預訂果下落得好肉痛,要成HK$1900一晚,但去到打開門果下真係咩都值番晒。去得白馬村就一定會滑雪,滑得雪就一定會浸溫泉,呢間酒店又近滑雪場,我揀既房型入面仲有埋私人溫泉,真係屈晒機。
酒店人員服務超級好,雖然唔係個個都識講英文,但佢地會用盡方法去令你明白,亦唔會令你尷尬。基本上你提出任何要求,佢地都會盡量配合你。
值得一提,一定要食早餐!一定要食早餐!我未試過去旅行為左早餐而起身,但呢間一定要食,佢個早餐供應到11點,我食左兩日先試晒佢啲野食,每樣野都好好食!!
如果再黎白馬村,一定住番呢間!